22 янв 09:49
Янгиликлар

Хоккей

"Ҳумо" сафарда "Актобе"ни мағлубиятга учратди

Тошкентнинг "Ҳумо" хоккей клуби Қозоғистон чемпионати доирасида навбатдаги сафар учрашувини ўтказди.

"Қанотлилар" "Актобе Арена"да Қозоғистоннинг ушбу номдаги жамоаси меҳмони бўлиб, 3:1 ҳисобида зафар қучишди. Стас Петросяннинг голига хоккейчиларимиз Радель Фазлеев, Вадим Кравченко ва Эдгарс Сикснанинг учта шайбаси билан жавоб қайтаришди.

Ушбу ғалабадан кейин "Ҳумо" 49 очко билан 2-ўринга кўтарилиб олди. Пешқадам "Торпедо" ҳисобида роппа-роса 50 очко бор. Кучли учликка "Сариарка" клуби 48 очко билан якун ясаган. "Актобе" 35 очко билан 7-поғонага жойлашган. Бугун "Актобе" ва "Ҳумо" жамоалари ўртасидаги иккинчи учрашув бўлиб ўтади ва бизнинг вақ билан соат 19:00да бошланади.