06 дек 12:48
Янгиликлар

Хоккей

"Ҳумо" собиқ ҳужумчисини ортга қайтарди

"Ҳумо" жамоаси кичик танаффусдан фойдаланган ҳолда ўз таркибини кучайтиришда давом этмоқда.

Тошкентнинг "Ҳумо" хоккей клуби ўз сафига россиялик cобиқ ҳужумчиси — Павел Синявскийни қўшиб олди.

"Қувонч билан эълон қиламиз - ҳужумчи Павел Синявский Тошкентда ва "Ҳумо" таркибида аллақачон машғулот қилишни бошлаб юборди.

Павел Екатеринбургнинг "Автомобилист"и тарбияланувчиси. ОХЛ (хозирги БХЛ)даги илк жамоаси "Ҳумо" бўлган ва жамоамиз таркибида у 50та ўйинни ўтказиб, 17 (11+6) очкони қўлга киритган. Ундан сўнг у "Сокол" ва "Югра" жамоалари таркибида ўйнадан.

Умумий хисобда БХЛда 159 ўйинни ўтказиб, 53 (30+23) очкони қўлга киритган", - дея маълум қилган жамоа матбуот хизмати.

"Ҳумо" айни дамда Қозоғистон Про-Лигасила иштирок этмоқда, жамоа ҳозирда мусобақа жадвалида учинчи поғонани банд этган.