"Ҳумо" таркибига янги дарвозабонни қўшиб олди

Уст-Каменогорск хоккейи тарбияланувчиси ҳисобланган Дмитрий Мальгин жамоа билан шартнома имзолади.

Дмитрий Мальгин Қозоғистон терма жамоаси аъзоси ҳисобланади. У бутун фаолиятини Қозоғистонда ўтказган. Дарвозабон Қозоғистон чемпиони ва чемпионат кумуш медаль соҳиби, шунингдек, қишки Универсиаданинг кумуш медали совриндори, жаҳон чемпионати ғолиби ҳисобланади. Унинг охирги жамоси "Бейбарйс" клуби бўлган.

Эслатиб ўтамиз, кеча "Ҳумо" клуби икки нафар хоккейчи билан шартномани бекор қилганди. Хоккейчилардан бири дарвозабон Матвей Киселев эди.