«Ҳумо» уч нафар ҳужумчи билан шартнома имзолади

Улар Андрей Легалин, Антон Рехтин ва Дмитрий Селютин.

Андрей Легалин, Москванинг «Спартак» клуби тарбияланувчиси бўлиб, МХЛда 196 та ўйин ўтказган. 2018/2019 мавсумда КХЛда дебют қилган хоккейчи «Хумо»дан олдин Словакиянинг иккинчи лигасида иштирок этадиган  «Тополчани» хоккей клуби таркибида ўйнаган.

Антон Рехтин, Новокузнецкнинг «Металлург» клуби тарбияланувчиси ҳисобланади. «Ҳумо»дан олдин Россиянинг «Зауралья» жамоасида ўйнаган. Новокузнецкнинг «Металлург» жамоаси билан КХЛда 5 та ўйин ўтказган.

Дмитрий Селютин, Электросталнинг «Кристалл» клуби тарбияланувчиси. У Латвия чемпионатида иштирок этган «Лиепая» хоккей клубидан «Хумо» таркибига келиб қўшилди. Ушбу клуб таркибида Дмитрий 43 та ўйин ўтказиб, 52 (22+30) очко тўплаган.