“Ҳумо“ уй учрашувларини Тошкентда ўтказа олмайдиган бўлди

Ўзбекистон Республикаси жисмоний тарбия ва спорт вазирининг 5 март куни республика ҳудудида барча халқаро мусобақаларни бекор қилиш тўғрисидаги буйруғи эълон қилинганди.

Шу сабабли Петров кубоги чорак финал доирасида Москванинг "Звезда" ва Тошкентнинг "Ҳумо" жамоалари ўртасида Тошкентда ўтказилиши лозим бўлган баҳслар нейтрал аренада, катта эҳтимол билан Москвада бўлиб ўтади.

Бундай ноқулайлик учун «Ҳумо» хоккей жамоаси қаттиқ афсусда ва Россиядаги барча ҳамюртларимизни бўлажак учрашувларда «Ҳумо» жамоасини қўллаб-қувватлашга чақиради.

Сизларнинг қўллаб-қувватлашингизга муҳтожмиз! Қийин вақтда доим бир куч бўлишимиз лозим!