31 май 20:33
Янгиликлар

Хоккей

"Ҳумо" "Харламов Кубоги" соҳибини таркибга қўшиб олди, Фишенко билан шартнома узайтирилди

Тошкентнинг "Ҳумо" хоккей клуби янги мавсум олдидан таркибни шакллантириш устида ишламоқда.

Бу мавсумда ҳам Қозоғистон Очиқ чемпионати ва кубогида иштирок этадиган "қанотлилар"нинг ҳужумчи Захар Зиминов билан келишувга эришгани маълум бўлди.

Зиминов 2003 йил 7 февраль куни Россиянинг Вологд шаҳрида туғилган. "Тверичи" клуби тарбияланувчиси шу пайтга қадар "Динамо" (Санкт-Петербург) ҳамда "Чайка" (Нижний Новгород) жамоалари сафида ЁХЛда иштирок этган.

У бу йил "Чайка" билан "Харламов Кубоги"ни қўлга киритди. Зиминов ЁХЛда 132 та ўйин ўтказиб, 56 очко (27+29) жамғарган бўлса, плей-офф баҳсларининг 21 тасида музга чиқиб, 11 очко (5+6) ишлаган.

Шунингдек, "қанотлилар" хужумчи Иван Фишенко билан шартномани узайтиришди. Фишенко ўтган мавсумда "Ҳумо" таркибида 25 та ўйин ўтказиб, 15 очко (5+10)га эга чиққан эди.