"Ҳумо" хоккей клубининг рамзи тасдиқланди ФОТО

Ушбу тақдимотда клубнинг ўйинчилари, мураббийлари ва раҳбарият ходимлари иштирок этади. Шу билан бирга, тақдимот дастуридан ўзбек миллий либосларини кийган мўйловли йигитлар маскат шоуси ҳам ўрин олган.

«Ҳумо» хоккей клуби ушбу мавсумда Олий хоккей лигасида (ВХЛ) ўйнашни бошлайди.

Ушбу клуб 5 сентябрдан ўзининг hchumo.uz интернет-сайтини ишга туширди. Порталда сиз клуб янгиликлари билан танишишингиз, асосий ва захира гуруҳларнинг таркиби, статистикаси, шунингдек бошқа маълумотларни топишингиз мумкин. Олий хоккей лигаси тақвими веб-сайтда эълон қилинган ва мухлислар «Ҳумо»нинг Тошкентдаги навбатдаги ўйинларига чипталарни онлайн равишда 10 мингдан 75 минг сўмгача сотиб олишлари мумкин.

«Ҳумо Арена»да тошкентликларнинг дастлабки учта учрашуви бўлиб ўтади. «Ҳумо» ВХЛдаги дастлабки тарихий ўйинини 11 сентябрь куни «Рязань» хоккей клубига қарши ўтказади. Ҳамюртларимиз 13 сентябрь куни Қозоннинг «Барс» ҳамда 15 сентябрда Нижний Новгороднинг «Торпедо-Горький» жамоаларига қарши муз устига тушади.

Иккинчи хоккей клуби - «Ҳумо-2» эса Қозоғистон чемпионатида ўз ўйинларини бошлайди. Жамоа дастлабки ўйинларни 6 ва 7 сентябрь кунлари «Павлодар-Иртыш»га қарши ўтказди. «Ҳумо-2»нинг биринчи мезбонлик ўйини 15 сентябрь куни Қозоғистоннинг «Алмата» хоккей жамоасига қарши бўлиб ўтади.

Олий хоккей лигаси (ВХЛ) очиқ халқаро хоккей лигаси бўлиб, айни пайтда Россияда Континентал хоккей лигасидан (КХЛ) кейинги иккинчи энг кучли профессионал лига ҳисобланади. ВХЛда Россия клублари, шунингдек, Хитой ва Қозоғистондан учта жамоа иштирок этади.