25 ноя 12:58
Янгиликлар

Хоккей

"Ҳумо" хоккейчилари дам олиш кунида "Буюк Хитой девори"да бўлишди + ФОТО

Хабарингиз бор, Тошкентнинг "Ҳумо" жамоаси шу кунларда сафар ўйинлари серияси доирасида Хитойда бўлиб турибди.

23 ноябрь куни Пекиннинг "ОРДЖИ" жамоасини 3:1 ҳисобида таслим этган хоккейчиларимиз кеча дам олиш кунидан унумли фойдаланган ҳолда маънавий ҳордиқ чиқаришди. Жамоа аъзолари шу куни дунёга машҳур "Буюк Хитой девори"га ташриф буюришди.

"Ҳумо" матбуот хизмати ушбу ташрифдан суратларни тақдим этди.

Эслатиб ўтамиз, "Ҳумо" бироздан сўнг Хитойнинг бошқа бир жамоаси "КРС-БСУ"га қарши баҳс юритади.