"Ҳумо" хоккейчиси Павел Здунов келаси мавсумни қайси жамоада ўтказиши аниқ бўлди

Ўзининг ёрқин ўйинлари билан мухлисларда илиқ таассурот қолдирган Здунов янги мавсумни Тольяттининг "Лада" жамоасида ўтказади. 

Маълумот учун, бунгача "Ҳумо" аъзоларидан Роман Смирягин, Арсений Ерохин ва Надир Ислямов "Лада" сафига бориб қўшилганди. 

"Ушбу мавсум учун Тошкентга, мураббийлар штабига, раҳбариятга, ўйинчиларга, ходимларга ва албатта бизнинг ажойиб мухлисларимизга миннатдорчилик билдираман. Ушбу клуб сафида, ушбу шаҳарда ўйнаганимдан хурсандман. "Ҳумо" навбатдаги мавсумни ўтказиб юбориши ачинарли. Биз Тошкентни, унинг халқини ва анъаналарини жуда яхши кўриб қолдик. Сиз доимо қалбимизда қоласиз. Қўллаб-қувватлаганингиз учун раҳмат", - деди Здунов.