12 авг 11:20
Янгиликлар

Хоккей

"Ҳумо" яна бир ёш ҳужумчи билан келишувга эришди

"Ҳумо" жамоаси Қозоғистон чемпионатидаги иштироки олдидан навбатдаги трансферни эълон қилди.

Унга кўра, россиялик ҳужумчи Сергей Шиков эндиликда Тошкент клуби сафида ўйнайди. Шиков 2004 йил 28 декабрь куни Москва шаҳрида туғилган. У "Витязь" клуби тарбияланувчиси ҳисобланади. Ўтган мавсумни Ступино шаҳрининг "Капитан" жамоасида ўтказган.

Сергей Шиков "Ҳумо" сафида 89-рақамда ҳаракат қилади.

Аввалроқ, "Ҳумо" жамоаси 16-19 август кунлари Беларусда халқаро Евро-Осиё Дўстлик кубогида иштирок этиши ҳақида хабар берган эдик.