"Ҳумо"нинг бугунги рақиби "Ермак" ҳақида

Учрашув олдидан рақиб жамоа ҳақидаги қисқача маълумотларни тақдим этмоқчимиз. 

"Ермак" жамоаси 1958 йилда ташкил этилган. Ангарск шаҳри (Иркутск вилояти) шарафини ҳимоя қилади. Авваллари "Химик" ва "Труд" номлари билан фаолият олиб борган. КХЛдаги "Адмирал" жамоасининг Владивостокдаги фарм-клуби ҳисобланади. Жамоани мураббий Дмитрий Крамаренко бошқариб боради. 

Ўйинларни 6900 томошабин сиғадиган "Ермак" спорт саройида ўтказади. 

Айни пайтда ВХЛда 34 та жамоа ичида 32-ўринни эгаллаб турибди. "Ҳумо" эса 31-ўриндан жой олган. 

Эслатиб ўтамиз, "Ҳумо" ҳамда "Ермак" ўйини соат 19:30 да бошланади. Чипталарни арена кассаларидан ва iTicket.uz сайти орқали сотиб олишингиз мумкин. Чипта нархлари 10 000 - 75 000 сўм оралиғида. Юқорида қайд этилганидек болалар учун чипталар 50 фоизлик чегирма билан сотилади.