"Ҳумо"нинг мавсумдаги энг яхши бомбардири қайси жамоага ўтгани маълум бўлди

Эндиликда Григоренко фаолиятини Тольяттининг "Лада" жамоасида давом эттирадиган бўлади. Аввалроқ, ушбу жамоа сафига Роман Смирягин, Арсений Ерохин, Нодир Исламов, Павел Здунов бориб қўшилганди. Эндиликда "Ҳумо"нинг беш нафар хоккейчиси янги мавсумда "Лада" шарафини ҳимоя қиладиган бўлди. 

"Мавсумни яхши ўтказгандик. Бошида қийин бўлди, лекин вақт ўтиб биз ўзимизга келиб олдик. Мавсумдаги минимал вазифа уддаланганди - биз плей-оффга йўлланма олдик. Кўпчилик, 7-ўриндаги "Ҳумо"нинг 2-поғонадаги "Торос"га қарши келиб қолганидан сўнг "барчаси тугади" деб ўйлаганди. Лекин, ҳаммаси аксинча бўлди. Умуман олганда, мавсум омадли ўтди. 

Тошкент ҳақида кўп гапиришим мумкин. У ерга боришдан олдин кўпгина саволлар бор эди. Тошкентга етиб борганимдан сўнг, тозалик, илиқлик, инсонлар мени ёқимли маънода ҳайрон қолдиришди. Чиройли шаҳар, оилангиз билан вақтни мазмунли ўтказиш учун парклар кўп. Таомлари ажойиб, айниқса палов.

БАРЧАГА РАҲМАТ", - деди Григоренко хайрлашув сўзида.