Ҳумоюн Султонов Германияда муваффақиятли старт олди

Мукофот жамғармаси 25 000 долларни ташкил этадиган мусобақада Ўзбекистоннинг биринчи рақамли ракеткаси Ҳумоюн Султонов ҳам иштирок этмоқда. Кеча теннисчимиз турнир доирасидаги биринчи ўйинини ўтказди.

1/16 финал босқичидаги ушбу ўйинда Султоновга германиялик Кай Веҳнелт рақиблик қилди. 2 соат-у, 4 дақиқа давом этган беллашув 2:0 (7-6, 6-0) ҳисобида ҳамюртимиз фойдасига якунланди.

Маълумот ўрнида, Султонов айни дамда ATP рейтингида 309-ўринни эгаллаб турган бўлса, унинг рақиби 614-банд этган эди.

Эндиликда Ҳумоюн бугун нимчорак финали доирасида кортга чиқади. Унга бу сафар яна бир немис теннисчиси, 1264-ўринни эгаллаб турган — Винсент Мариско рақиблик қилади. Баҳс Тошкент вақти билан 16:00 да бошланади.