17 авг 12:58
Янгиликлар

Теннис

Ҳумоюн Султонов Жакарта турнирида 1/4 финалга чиқди

Ҳамюртимиз Ҳумоюн Султонов Индонезия пойтахти Жакарта шаҳридаги M 25 тоифасига кирувчи турнирдаги юришини давом эттирмоқда.

Мусобақада учинчи рақам остида таснифланган Султонов илк босқичда австралиялик Корбан Кроузерни 6:4, 6:0 ҳисобида мағлубиятга учратганди. Биринчи ракеткамиз бироз аввал якунига етган иккинчи давра учрашувида украиналик Юрий Джавакянни икки сетда ҳам бир хил ҳисобда енгди - 6/4, 6/4.

Таққослаш учун, Ҳумоюн Султонов айни пайтда жаҳон рейтингида 432, унинг рақиби эса 853-ўринни банд этиб турибди.