Ҳумоюнда ғалаба, Санжар Файзиев ютқазди - ўзбек теннисчиларидан янгиликлар

Қатарда ўтказилаётган ITF турнирида Ҳумоюн Султонов жуфтлик баҳсларида ҳиндистонлик Парикшит Сомани билан бирга Коллуру/Кравсевиц тандемини 6:4, 6:3 ҳисобларида мағлуб этди ва чорак финалга йўл олди. Улар эртага чорак финалда Бакши/Метревели тандемига қарши ўйин ўтказишади. Ҳумоюн яккаликда бугун ҳиндистонлик В.Коллуруга қарши кортга чиқади. 

Португалиядаги "Челленжер" турнирида қатнашаётган Санжар Файзиев эса россиялик Евгений Карловский билан бирга 1:6, 2:6 ҳисобларида Эйссерик/Молчанов тандемида имкониятни бой берди. 

Туркиядаги ITF мусобақасида эса Максим Шин бугун германиялик Паул Воернер билан куч синашади. 

Аввалроқ, Нигина Абдураимова Австралия Очиқ чемпионати саралашининг иккинчи даврасида имкониятни бой берганлиги ҳақида хабар бергандик.