"Ҳурмат сабаб итимга унинг исмини қўйганман". Серена Уильямс "Уимблдон"да қайси эркак теннисчига мухлислик қилишини айтди

"Катта Дубулға" туркумига кирувчи ушбу мусобақанинг асосий тўр баҳслари эртага старт олади. Серена ушбу турнирда испаниялик теннис афсонаси Рафаэль Надалга мухлислик қилади. 

"Бу йилги мавсумда у ақлни шошириб қўядиган даражада фантастик ўйин намойиш этмоқда. Мен ҳамиша унинг мухлиси бўлганман. Унинг ҳурмати туфайли ҳатто итимга ҳам унинг исмини қўйганман. Албатта, мен Рафага мухлислик қиламан. Ҳақиқатан ҳам унинг бу йилги натижалари ажойиб бўлмоқда", - дея Серенанинг сўзларини келтирмоқда Daily Mail.