17 окт 20:31
Янгиликлар

Бокс/ММА

Ҳусанхон Баратов профессионал боксда дебют қилади + ПОСТЕР

19 октябрь куни Россиянинг Пермь шаҳрида Ural FC лигаси ўзининг навбатдаги профессионал бокс оқшомини ўтказади.

Ушбу жанглар кечасида оғир вазн тоифасида ўзбекистонлик Ҳусанхон Баратов профессионал боксдаги дебют жангини ўтказади. Ҳамюртимизга ўша куни россиялик Алексей Голуб рақиблик қилади. Жанг 4 раунд этиб белгиланган.

Маълумот учун, Ҳусанхон Баратов бунгача ММАда 6 та жанг ўтказиб, уларнинг 3 тасида ғалаба қозонган ва 3 та жангда мағлуб бўлган. Шунингдек, Ҳусанхон ҳаваскор боксда Ўзбекистон чемпионати иштирокчиси, пенчак-силат бўйича Жакарта-2018 Осиё ўйинлари ва Конья 2021 Ислом бирдамлиги ўйинлари иштирокчиси ҳисобланади.

Аввалроқ, ушбу бокс оқшомида яна бир ҳамюртимиз — Баҳромжон Фозиловнинг рингга чиқиши ҳақида хабар берган эдик.