IBA Жаҳон чемпионати. Бугун уч нафар боксчимиз рингга кўтарилади (Жуфтликлар)

Бугун жаҳон чемпионатининг тўртинчи куни 3 нафар чарм қўлқоп устамиз рингга кўтарилади. Улардан Шавкатжон Болтаев ва Хўжаназар Нортожиев мусобақадаги биринчи жангини ўтказади. Саят Илясовни эса илк жиддий синов кутмоқда. У иккинчи жангида Қирғиз Республикаси боксчиси Омар Ливазага қарши рингга чиқади.  

Кундузги дастур жанглари бизнинг вақти билан соат 18:00, кечки блок эса соат 22:00да бошланади. 

Боксчиларимиз иштирокидаги жанглар:

-63,5 кг: Саят Илясов - Омар Ливаза (Қирғиз Республикаси) соат 19:45

-67 кг: Шавкатжон Болтаев - Осорио Муханга (Мозамбик) 20:45

-57 кг: Хўжаназар Нортожиев - Рукмал Поди (Шри-Ланка) 22:45

Эслатиб ўтамиз, кечаги кун доирасида Асилбек Жалилов (-54 кг) туркиялик Садаи Ахискалини, Фазлиддин Эркинбоев (-75 кг) қирғизистонлик Сиргак Абдижапар уулуни ҳакамларнинг якдил қарори билан мағлубиятга учратганди. Олимпиада чемпиони Абдумалик Ҳалаковнинг эквадорлик рақиби Кевин Москуэра эса рингга чиқмагани учун техник ғалаба ҳамюртимизга тақдим этилган эди.