IBF Муроджон Аҳмадалиевга чемпионлик узуги совға қилди + ФОТО

IBF ташкилоти барча вазн тоифаларидаги чемпионларни бир жойда жамлади. Таклиф этилганлар орасида ҳамюртимиз Муроджон Аҳмадалиев ҳам бор. Ўз камарини уч маротаба муваффақиятли ҳимоя қилган чарм қўлқоп устамиз чемпионлар гала тадбирида иштирок этди. IBF Аҳмадалиевга барча камар соҳиблари қатори эсдалик учун чемпионлик узуги совға қилди.      

"Алҳамдулиллаҳ, таклиф ва совға учун IBF ташкилотига катта раҳмат. Мени эсдалик совғасига муносиб кўришгани учун ташаккур изҳор қиламан. Ин ша Аллоҳ, тез орада ўз камарларимни қайтариб оламан. Мени ҳамиша, ҳар қандай ҳолатда ҳам қўллаб-қувватлаб келаётган жамоамга миннатдорлик изҳор этаман. Янги чўққиларни забт этиш учун ҳаракатни давом эттирамиз", - деди Аҳмадалиев.