Ибрагимович А Сериядаги тарихий рекорди ҳақида: “Бу менга керак ҳам эмасди”

Узоқ даволанишдан кейин сафга қайтган Златан Ибрагимович пенальтини аниқ амалга оширди ва А Серияда тўп киритган ёши энг катта футболчига айланди – 41 ёш-у, 166 кунлик. Аввалги рекорди 2007 йил “россонерилар” собиқ аъзоси Алессандро Костакурта томонидан ўрнатилганди.

“Менга бу рекорд керак эмас, буни бажонидил Костакуртага қолдирган бўлардим. Бундай буюк клуб тарихига кириш мен учун шараф. “Милан”да ёрқин ишларни амалга оширган ажойиб футболчилар бўлган ва улар орасида ўз номимни кўришдан бахтиёрман. Бугунги голим бизга очко келтирмагани эса ачинарли”, деган швед.