Ига Свёнтекда сўнгги ўн йилликдаги энг яхши натижа

Гап шундаки, польшалик теннисчи якунига етган мавсумда 68 та учрашувда ғалаба қозонди. Бу мавсум-2023нинг энг яхши натижаси ҳисобланади. 2022 йилда у 67 та баҳсни ўз фойдасига ҳал қилганди. Лекин ўтган йили мағлубиятлари 9 та эди. Бу мавсум у 11 бор мағлубият аламини тотиб кўрди.  

Бу борада энг яхши кўрсаткич Серена Уильямсда бўлиб, америкалик ракетка устаси 2013 йилги мавсумда 78 та учрашувда зафар қучганди. Ўн йил олдинги мавсумда Серена бор йўғи 4 та баҳсда кортни боши эгик ҳолда тарк этган эди.