23 мар 08:46
Янгиликлар

Сув спорти турлари

Игорь Мялин Жаҳон кубогининг финалига йўл олди

Германиянинг Берлин шаҳрида сувга сакраш бўйича Жаҳон кубогининг иккинчи босқич беллашувлари бўлиб ўтмоқда.

Эътиборлиси, унда Ўзбекистон терма жамоаси аъзоси, Париж-2024 лицензиати Игор Мялин ҳам иштирок этяпти.

Ҳамюртимиз 10 метрли платформадан сакраш йўналишининг саралаш босқичида 403.50 балл жамғариб, финал йўлланмасини қўлга киритди. Бугун у медаллар учун кураш олиб боради.

Шунингдек, ушбу турнирда терма жамоамизнинг яна бир аъзоси Вячеслав Качанов ҳам қатнашяпти.