Игуаин “Ювентус”ни тарк этди

Бу ҳақида клубнинг ижтимоий тармоқлардаги расмий саҳифаларида хабар берилди. Томонлар ўзаро келишув асосида шартномани бекор қилган. Гонсало фаолиятини Дэвид Бекхэм эгалик қиладиган АҚШнинг “Интер Майами” клубида давом эттиради.

32 ёшли ҳужумчи “Ювентус” сафида 2016 йилдан бери ҳаракат қилиб келарди. Орада Игуаин “Милан” ва “Челси” клубларида ижара асосида тўп тепди. У “Юве” билан 3 бор Италия чемпионлигини, 2 марта эса мамлакат Кубогини қўлга киритди. Жамоа сафида жами 149 та ўйинда майдонга тушиб, 66 та гол урди ва 16 та голли узатма берди.