Иғво ва бўҳтон тарқатган федерация аъзосига нисбатан чора кўрилди

Конференцияда федерациянинг Қорақалпоғистон Республикаси, Тошкент шаҳри ва вилоятлардан келган делегатлари, шахмат фахрийлари, фаол шахматчилар, терма жамоа бош мураббийлари иштирок этди. Конференция кун тартибидан ўрин олган масалалар муҳокамага қўйилди. 

Жумладан, Федерация раис ўринбосарлигига Мақсудов Алишер Иркинович ҳамда Салихов Мурат Мелибаевични сайлаш таклифи билдирилди. Делегатлар томонидан уларнинг номзодлари бир овоздан маъқулланди. 

Шунингдек, Ижроия қўмита таркибига Аҳмедов Сайфулло Норматович номзоди тасдиқланди. Бош котиб лавозимига вақтинчалик вазифа бажарувчи тайинланганлиги маълум килинди. Делегатлар томонидан кун тартибига интернет саҳифалари орқали нотўғри маьлумот тарқатаётган баъзи федерация аъзолари ҳақида муҳокама қилиш таклифи берилди. 

Жумладан, Ирина Қаюмова федерация фаолияти тўғрисида турли бўҳтон ва иғволар тарқатаётганлиги юзасидан делегатлар ўз фикрларини билдирдилар. Муҳокамадардан сўнг Ирина Қаюмова федерация аъзолигидан чиқарилди. 

Танқид қилиш ҳуқуқи ҳаммада эркин эканлиги, бунинг учун ҳеч кимнинг чеклашга ҳуқуқ берилмаганлиги таькидланди. Аммо турли туҳмат ва иғво тарқатиш орқали Ўзбекистон шахмат федерацияси нуфузини туширишга уриниш истагида бўлган ҳар қандай шахматчи хоҳ у юкори натижага эга бўлсин, унга Федерация аъзолигида жой йўқлиги айтилди.