06 мар 00:51
Янгиликлар

Дзюдо

IJF президенти Мариус Визер Тошкентга етиб келди АЭРОПОРТДАН ФОТОРЕПОРТАЖ

Бундан бир неча дақиқа аввал Халқаро дзюдо федерацияси (IJF) президенти Мариус Визер пойтахтимизга етиб келди.

Ислом Каримов номидаги Тошкент халқаро аэропортида мартабали меҳмонни Ўзбекистон Жисмоний тарбия ва спорт вазирининг биринчи ўринбосари Равшан Эрматов, Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов ҳамда МОҚ бош котиби Ойбек Касимов кутиб олди.

Режа бўйича жаноб Визер бугун, 6 март куни соат 16:00да ўтказиладиган Тошкент "Катта Дубулға" турнирининг тантанали очилиш маросимида иштирок этади.