03 мар 12:16
Янгиликлар

Дзюдо

IJF расмийларининг ташрифи бошланди + ФОТО

Хабарингиз бор, 5-7 март кунлари пойтахтимиздаги "Ҳумо" арена саройида дзюдо бўйича Тошкент "Катта Дубулға" турнири ўтказилади.

Марказий Осиё минтақасида илк бор ташкил этилаётган ушбу мусобақада дунёнинг 72 давлатидан жами 508 нафар дзюдочи турнир медаллари ҳамда Токио Олимпиадаси йўлланмалари йўлидаги қимматли рейтинг очколари учун татамига чиқади. Айни пайтда мусобақага олиб борилаётган тайёргарликлар якунига етмоқда. "Ҳумо" арена меҳмонларни интиқлик ила кутяпти.

Кечадан мусобақа расмий делегатларининг пойтахтимизга ташрифи ҳам бошланди. Хусусан, Халқаро дзюдо федерацияси (IJF) спорт директори, ҳамюртимиз Армен Багдасаров, IJF таълим комиссияси директори Муҳаммад Мериджа ва IJF Ҳакамлар бўлими директори Даниэль Ласкау юртимизга етиб келди. Уларни Ўзбекистон дзюдо федерацияси раиси ўринбосари Шоатҳам Исроилов кутиб олди.