Иккинчи ракеткамиз рейтингда ўзидан 70 поғона юқоридаги рақибасини енгди

Мукофот жамғармаси 115 000 АҚШ долларини ташкил қилувчи Megasaray Hotels Open турнирида вакиламиз Полина Кудерметова ҳам муваффақиятли одимламоқда. У 1/8 финалда турнирнинг иккинчи ракеткаси Моюка Учижимага қарши кортга чиқди. Тўқсон икки дақиқа давом этган баҳсда Полина рақибасини 7/6(4), 6/3 ҳисобида доғда қолдирди. 

Япониялик теннисчи ҳозирда дунёнинг 77-ракеткаси бўлиб турибди. Кудерметова эса WTA рейтингида 147-поғонадан жой олган. Полина учрашув давомида 3, Моюка 4 та эйс зарбасини амалга оширган. Теннисчимиз 3, кунчиқар юрт вакиласи 2 та қўшхатога йўл қўйди. Бу теннисчиларнинг ўзаро ўтказган иккинчи учрашуви бўлди - 1:1.