Илҳом Назимов уни жангга чорлаган бразилиялик спортчига кескин жавоб қайтарди (ВИДЕО)

"Киллер" лақабли 29 яшар Густаво кеча RIZIN 52 турнири доирасида япониялик Тайсей Сакурабани мағлуб этиб, жангдан кейин чемпион Назимов билан баҳс олиб бориш ниятида эканини айтди.

Илҳом бунга қуйидагича жавоб қайтарди:

"Сен мен билан камар учун жанг қилмоқчилигингни айтдингми? Хоҳишларингга эҳтиёт бўл. Яхшилаб ўйла. Ваъда бераман, менга қарши ҳатто 1 раунд ҳам туриб бера олмайсан", деб ёзган Назимов ўзининг Instagram саҳифасида.

Маълумот учун, 30 ёшли Илҳом Назимов фаолияти давомида ҳозиргача 16 та жанг ўтказиб, 13 та ғалаба ва 3 та мағлубият қайд этган. Луис Густаво ҳисобида эса 15 та ғалаба ва 4 та мағлубият бор.