04 мар 12:52
Янгиликлар

Бокс/ММА

Илҳом Назимов "япон Макгрегори"ни жангга чорлади

Ўзбекистонлик ММА устаси, енгил вазн тоифасида Япониянинг RIZIN Лигаси чемпиони Илҳом Назимов навбатдаги жанги учун рақиб изламоқда.

У "япониялик Конор Макгрегор" тахаллуси билан танилган Рен Хирамото билан жанг қилиш истагини билдирди.

Маълум бўлишича, Назимов мазкур баҳснинг Last Man Standing қоидалари асосида ўтишини истаяпти. Бундай ҳолатда жангда раундлар бўлмайди, очколар ҳисобланмайди, аксинча, бир спортчи ўрнидан тура олмайдиган ҳолатга келгунича давом этади.

Илҳом Назимов фаолияти давомида 16 та ММА жангини ўтказган ва 13 та ғалаба, 3 та мағлубият қайд этган. Хирамото ҳисобида эса 4 та ғалаба ҳамда 3 та мағлубият бор.