Илиадис изидан бораётган Давлат Бобоновни табриклаймиз!

Давлат Бобонов 1997 йил 7 июнь куни Навоий вилояти Нурота туманида дунёга келган. Самарқанд вилоят ихтисослаштирилган спорт интернатида ўқиган. Ҳозирги кунда Самарқанд давлат университетининг 4-босқич талабаси. Мураббийи - Нурали Қобилов. 

Ёш бўлишига қарамай, ҳозиргача айтишга арзигулик ютуқларга эришишга муваффақ бўлган. 2016 йил ёшлар ўртасидаги Осиё чемпионатининг олтин медалини қўлга киритди. Шу йили Тошкент Гран-присида ҳам зафар қучди. Шу йил "Катта Дубулға" туркумига кирувчи Дюссельдорф турнири ғолибига айланди. 

-90 кг вазн тоифасида юртимиз шарафини ҳимоя қилиб келаётган Давлат Бобонов Токио Олимпиадаси йўлланмаси учун курашни давом эттирмоқда. -90 кг вазн тоифасида Олимпия ўйинлари чемпиони бўлган терма жамоамиз бош мураббийи Илиас Илиадис чин маънода Бобоновнинг янги қирраларини очишга эришди. Кўз тегмасин, бугунги кунда Давлат ўзининг юқори спорт формасига кириб бормоқда.     

Фурсатдан фойдаланиб, Давлат Бобоновни бугунги унутилмас куни билан муборакбод этамиз.