Илия Топурия: "Агар Махачев ютқазса, Доғистондаги фермасига қайтиб қўйини боқиши мумкин"

Бу ҳақда испания-грузиялик жангчи Тбилисидаги матбуот анжуманида маълум қилди.

"Агар Ислам ютқазса, Доғистонга қайтиб, ўз фермасида қўй боқиши мумкин. Мабодо у ғалаба қозонса, мен вазнимни ошираман, бу юз фоизга аниқ!", - деди "El Matador" журналистнинг тегишли саволига жавоб берар экан.

Шунингдек, Топурия, агар Махачев ғалаба қозонса, келаси йилнинг июнь ойида Оқ уйда ўтказиладиган АҚШ Мустақиллигига бағишланган турнирда у билан учрашмоқчи эканлигини ҳам айтди.

Маълумотларга кўра, енгил вазн тоифасида чемпионлик унвонига эга бўлган Илия Топурия келаси йилнинг январь ойида Лос-Анжелесда бўлиб ўтадиган UFC 324 турнирида октагонга қайтади. Ислам Махачев ва Жек Делла Маддалена эса 15 ноябрь куни Нью-Йоркда бўлиб ўтадиган рақамланган оқшомда ўзаро тўқнаш келади.