Илия Топуриянинг ўзи ниҳоят алоқага чиқди

"Келаси йилнинг биринчи чорагида аниқ жанг қилмайман. Шахсий ҳаётимда қийин даврни бошдан кечиряпман. Фарзандларимга эътибор қаратишни, бу вазиятни иложи борича тезроқ ҳал қилишни истайман. Дивизионимиз жангларсиз музлаб қолишини истамайман. Шунинг учун UFC барча керакли жангларни ташкил қилади. Муаммоларимни ҳал қилишим билан UFC'га қайтишга тайёр эканлигимни хабар қиламан", деб ёзган Топурия ўзининг X (собиқ Twitter) саҳифасида.

Бир неча кун илгари UFC январь ойида енгил вазн тоифасида вақтинчалик чемпионлик камари учун жанг ўтказилиши, бу унвон учун америкалик Жастин Гэтжи ҳамда Англия вакили Пэдди Пимблетт жанг қилиши ҳақида хабар берганди.