Илья Сибирцев ҳам Париж-2024 Олимпиадасига боради + ФОТО

Биз учун аҳамиятлиси, терма жамоамиз аъзоси Илья Сибирцев 800 метр масофага эркин сузиш баҳсларида 7:50,05 вақт натижаси билан Олимпия ўйинлари квалификацияси меъёрини бажарди. Сибирцевнинг шахсий рекорди 2019 йилда ўрнатилган бўлиб, 7:48,05 вақт натижасини ташкил этарди. Энди Илья Париж-2024 Олимпиадаси сузиш мусобақасининг 800 метр масофага ўтказиладиган стартида юртимиз шарафини ҳимоя қилади. 

Эслатиб ўтамиз, Илья Сибирцев Россияда туғилган бўлиб, бу йилдан халқаро аренада Ўзбекистон шарафини ҳимоя қиляпти. Бутунжаҳон сув спорт турлари федерацияси спорт фуқаролигини алмаштирган Сибирцевнинг Ўзбекистон номидан иштирок этишини расман тасдиқлаган эди.