16 мар 11:06
Янгиликлар

Теннис

Индиан-Уэллс. Надаль Хачановни тай-брекларда мағлуб этди

Дунёнинг иккинчи ракеткаси Рафаэль Надаль қийинчилик билан BNP Paribas Open турнирининг ярим финалига йўл олди.

Испаниялик теннис юлдузи ATP рейтингида 13-поғонадан жой олган россиялик Карен Хачановдан устун келди. Икки соату 16 дақиқа давом этган учрашув ғолиби тай-брекларда аниқланди. Унда Надаль 7/6(2), 7/6(2) ҳисобида зафар қучиб, ярим финалга чиқди.

Эътиборлиси, Рафаэль бор йўғи битта, Карен эса 17та эйс зарбани амалга оширди. Икки теннисчининг ўзаро ўйинларидаги ҳисоб 6:0 кўринишига келди. Ярим финалда теннис мухлислари ажойиб учрашувга гувоҳ бўлишади: Надаль vs Федерер!