10 мар 08:42
Янгиликлар

Теннис

Индиан-Уэллс. Винус Уильямс кучли рақибасини турнирдан чиқариб юборди

Америкалик теннисчи Винус Уильямс Индиан-Уэллсдаги мусобақанинг иккинчи даврасида чехиялик Петра Квитовага қарши кортга чиқди.

2 соат 28 дақиқа давом этган ўйинда Уильямс рақибасини 4:6, 7:5, 6:4 ҳисобларида мағлуб этди ва учинчи босқичга йўл олди.

Маълумот учун, Винус Уильямс жаҳон рейтингида 36, Квитова эса 3-ўринни эгаллаб турибди. Квитовада ушбу турнир якунларига кўра жаҳоннинг биринчи ракеткасига айланиб олиш имконияти бор эди.

Энди Уильямс учинчи даврада ҳамюрти Кристина Макхейлга қарши ўйин ўтказади.