Иноуэ - Гудман жанги бир ойга кечиктирилди, бунга жароҳат сабаб + ФОТО

Хабарингиз бор, 24 декабрь куни Япония пойтахти Токио шаҳрида P4P рейтинги етакчиларидан бири Наоэ Иноуэ иштирокидаги чемпионлик жанги ўтказилиши керак эди. Мутлақ жаҳон чемпиони шу куни WBO ва IBF йўналишлари рейтингида биринчи ўринни эгаллаб турган австралиялик Сэм Гудмандан камарларини ҳимоя қилиши кўзда тутилганди. 

Аммо 24 декабрь кунги жанг бекор қилинди. Бунга Сэмнинг спарринг машғулот чоғида қошидан олган жароҳати сабаб бўлди. Ташкилотчилар аввалига Гудманнинг ўрнига рақиб топишмоқчи бўлишганди, лекин якунда жанг сақлаб қолинди. Фақат бир ойдан кейин, аниқроғи 24 январь кунига кўчирилди. Шунингдек, андеркарддан ўрин олган қолган жанглар ҳам янги санада ўтказилади.