21 сен 14:20
Янгиликлар

Теннис

Internazionali BNL d'Italia. Жуфтликда ғолибалар маълум + ФОТО

Бугун Италиянинг Рим шаҳрида аёллар ўртасидаги Internazionali BNL d'Italia турнири якунланади.

Кеча жуфтлик турнирида ғолибалар аниқланди. Ҳал қилувчи финал учрашувида Хитой Тайпейи вакиласи Се Су-Вей чехиялик Барбора Стрикова германиялик Анна-Лена Фридзам ва руминиялик Ралуца Олару ҳамкорлигига қарши кортга чиқди.

Олтмиш уч дақиқа давом этган учрашувда Се ва Барбора тандеми 6/2, 6/2 ҳисобларида ғалаба қозониб, бош соврин соҳибасига айланишди. Рим турниридаги муваффақиятли иштирок Су-Вей ва Стриковага 62,520 евро мукофот пули ҳамда 900 рейтинг очкосини тақдим этди.