26 мар 06:29
Янгиликлар
Бокс/ММА
Иқболжон Холдаровнинг навбатдаги жанг санаси ва манзили маълум!
Суперярим ўрта вазн тоифасидаги боксчимиз, ҳаваскор боксда жаҳон чемпионати совриндори, Осиё ўйинлари ғолиби Иқболжон Холдаровнинг навбатдаги жанги тафсилотлари маълум бўлди.
Ҳамюртимиз 14 апрель куни Тошкентдаги "Ҳумо Арена" мажмуасида ўтказиладиган "IBA Чемпионлар оқшоми"да рингга чиқади. Ҳозирча Холдаровга бўлажак жангда ким рақиблик қилиши номаълум.
Эслатиб ўтамиз, Иқболжон Холдаров (5-0-0) проф боксдаги сўнгги жангини 2023 йил апрель ойида мексикалик Элеазар Валенсуела Каррильога қарши ўтказиб, муддатидан олдин зафар қучган эди.
Маълумот учун, турнирнинг марказий жанги Ҳасанбой Дўсматов ҳамда испаниялик Самуэль Кармона ўртасида IBA чемпионлик камари учун кечади.
Ҳавола :
Манба : olamsport.com
Фикрлар