Ирода Тўлаганова ҳозирги ўзгаришлар ва ўзига қайси мамлакатдан таклиф бўлгани ҳақида гапирди

— Фаолиятингиз даврида фуқароликни ўзгартириш бўйича таклифлар бўлганми?

— Бўлган, мен топ-16 да бўлган вақтимда. Менга Ҳиндистон томондан мурожаат бўлган. Ўшанда уларда Саня Мирза ҳали пайдо бўлмаган эди. Мен бу вариантларни кўриб чиқмаганман, гарчи жуда яхши шартлар таклиф қилинган бўлса ҳам. Мен Ўзбекистонда ўзимни маликадек ҳис қилардим. Ўша пайт бошқача бўлган. Агар менда катта туртки берган ҳомий бўлмаганида, балки мен ҳам ўйлаб кўрган бўлардим.

Ҳозир теннисчилар фуқароликни эҳтиёж учун эмас, мақсад учун ўзгартишади. Қизларнинг асосий мақсади — Олимпиадада қатнашиш. Россияда рақобат жуда юқори. Топ-100 да бўлсангиз ҳам, Олимпиадага бориш имконияти бўлмаслиги мумкин. Чунки олдинда яна олти нафар спортчи бор, Олимпиада лимити эса тўртта.

— Бу ҳолат Весна Долонцникига ўхшайдими?

— Ҳа, худди шундай. У ҳам Сербияга пул сабабли ўтгани йўқ. Мен "ўйинчиларни сотиб олишди" деган иборани ёқтирмайман. Ҳеч ким ҳеч кимни сотмайди. Биз фақат уларнинг профессионал эҳтиёжларини қондиришга ёрдам берамиз: чипталар, мураббийлар, кортлар, спарринглар, тўплар — барчаси режа асосида амалга оширилади, — деди Тўлаганова "Спорт-Экспресс"га берган интервьюсида.