22 окт 07:01
Янгиликлар
Теннис
Ирода Тўлаганова: "Тимофееванинг ота-онаси 6 ойдан бери Тошкентда яшаяпти"
Ўзбекистон теннис Федерацияси раиси ўринборсари Ирода Тўлаганова Мария Тимофееванинг мамлакатимиз фуқаролигини олганини расман тасдиқлади.
"Ҳа, Мария Тимофеева расман фуқаролигини алмаштирди ва энди Ўзбекистон шарафини ҳимоя қилади. Дарвоқе, унинг бутун оиласи - онаси ва отаси ярим йилдан бери Тошкентда яшаяпти. Мария хорижга чиқиш паспорти ҳамда ID карта (фуқаролик паспорти)ни ҳам олиб улгурди", - деди Тўлаганова.
Маълумот учун, Тимофеева айни пайтда дунёнинг 146-ракеткаси бўлиб турибди. Унинг WTA рейтингидаги энг яхши натижаси - 93-ўрин! Мария ўтган ҳафта Португалиядаги турнирда бош совринни қўлга киритди. Бир неча кундан сўнг 22 ёшга тўладиган Тимофеева 2023 йилда Венгриянинг Будапешт шаҳрида WTA турнирида чемпион бўлганди. Бу унинг ҳозирча ягона WTA титули бўлиб турибди.
Ҳавола :
Манба : gotennis
Фикрлар