14 мар 06:01
Янгиликлар

Футбол

Ироқ чемпионати. "Арбил"да навбатдаги ғалаба, Темировдан хет-трик!

Ироқ чемпионатида 22-тур учрашувлари бўлиб ўтмоқда.

Ҳамюртларимиз Шерзод Темиров ва Марлен Чобанов тўп тепаётган "Арбил" клуби "Ал Мина" жамоасини меҳмон қилди. Қизиқарли ўтган баҳсда "Арбил" рақибини 3:2 ҳисобида енгди.

Қувонарлиси, мезбонларнинг барча голларига Шерзод Темиров муаллифлик қилди. Бу Темировнинг Ироқ чемпионатидаги илк хет-триги ҳисобланади, Чобанов эса ўйинда тўлиқ ҳаракат қилди.

Ўзбекистонлик ҳужумчининг Ироқ чемпионатидаги голлари сони 19 тага етди ва у тўпурарлар пойгасида етакчиликни сақлаб қолди.