19 окт 18:24
Янгиликлар

Бокс/ММА

Ислам Махачев Брендан Алленнинг жангига қисқа муносабат билдирди

Одатда Махачев ўз дивизионига алоқаси бўлмаган жангларга изоҳ бермайди, аммо бу сафар у америкалик аралаш яккакураш устасининг чиқишини эътиборсиз қолдирмади.

Ўрта вазн тоифаси вакили Брендан Аллен рейтингда ўзидан беш поғона юқорида турган нидерландиялик Рене де Риддерни техник нокаутга учратиб, чемпионлик пойгасидан чиқариб юборди.

"Ажойиб чиқиш", - деб ёзди Махачев ижтимоий тармоқда жанг якунлари акс этган видеони эълон қилиб.

Аллен қисқа огоҳлантиришда, яъни жангга уч ҳафта қолганида октагонга чиқди ва жароҳат олган Энтони Эрнандеснинг ўрнини эгаллади. Агар бу жангда де Риддер ғалаба қозонганида айнан у дивизион чемпиони Хамзат Чимаевнинг навбатдаги рақибига айланиши мумкин эди.