Ислам Махачев: "Курашим фойда бермаса, тик туриб жанг қиламан"

Россиялик аралаш яккакураш устаси Жек Делла Маддалена билан жанг унинг учун энг қийин синовлардан бири бўлишини билади. Шу билан бир қаторда ҳаммаси режа бўйича кетмаса, ғалаба қозониш йўлини топишига ҳам шубҳа қилмайди.

"Тўғрисини айтсам, бу мен учун энг оғир жанглардан бири, чунки рақибим гавда жиҳатидан йирик ва ҳамма нарсада яхши. Эҳтимол, у курашдан яхши ҳимояланмагандир, лекин унинг греплинги жуда яхши. Шунинг учун ҳам мен ўзимни ҳамма нарсага тайёрлаяпман. Мен у билан тик туриб жанг қила оламан, кураша оламан, грепплингда рақобатлаша оламан ва биламанки, у ҳам мен билан жангга жиддий тайёргарлик кўрмоқда.

Бизда бир хил услуб бор деб айта олмайман. Унинг сўнгги рақиби Белал Муҳаммад ҳам мен сингари курашишни афзал кўради, Жек унинг курашидан жуда яхши ҳимояланди. Шу боисдан, мен ҳамма нарсага тайёр бўлишим керак. Агар у менинг курашимни тўхтатса, яна уриниб кўраман. Агар кураш натижа бермаса, у билан тик ҳолатда жанг қиламан", - деди Махачев.