18 окт 17:08
Янгиликлар

Бокс/ММА

Ислам Махачев: "Менга янги хейтерлар керак!"

Енгил вазнда собиқ UFC чемпиони Ислам Махачев янги зеландиялик Ден Хукернинг ўзи ҳақида гапирган фикрига муносабат билдирди.

Хукер 34 ёшли россияликнинг ярим ўрта вазн тоифасидаги чемпионлик камари учун Жек Делла Маддаленага қарши жанг ўтказишга қарор қилгани муносабати билан унга мақтов сўзларини изҳор этганди.

"Янги хейтерлар керак - эскиси мени яхши кўриб қоляпти", - деб ёзди Махачев ижтимоий тармоқдаги саҳифасида.

Хукер Sky Sports New Zealand телеканали эфирида Махачевни ярим ўрта вазнга кўтарилиб, Жек Делла Маддалена билан жанг ўтказишга қарор қилгани учун ҳурмат қилишини таъкидлаганди. Ушбу жанг 16 ноябрга белгиланган. Бу тўқнашув Нью-Йорк (АҚШ) шаҳрида бўлиб ўтадиган UFC 322 турнирининг асосий жанги бўлади.