05 июн 10:18
Янгиликлар

Бокс/ММА

Ислам Махачев: "MMA билан шуғулланмаслик керак. Бошқа спорт турлари ҳам бор"

Россиялик 34 ёшли UFC чемпиони Ислам Махачев одамлар MMA билан профессионал шуғулланмаслиги кераклигини айтмоқда.

"Мен барибир бу спорт билан шуғулланмаслик керак, деган фикрга мойилман. Бошқа муқобил спорт турлари бор. Бу фақат исломда тақиқлангани учун эмас. Бу спортда ҳозирги авлод учун оилангни таъминлай оладиган пулга эришиш жуда қийин эканлигида. Шу сабабли, мен одамларга, ота-оналарга ММАга бунчалик катта эътибор бермасликларини маслаҳат бераман", - деди Махачев "Murad LyaRiba" YouTube каналига берган интервьюсида.

Маълумот учун, айни пайтда Махачев UFC’да 16 та ғалабадан иборат серияга эга. Исламнинг ҳисобида 28 ғалаба ва битта мағлубият бор. У Нью-Йоркдаги UFC 322 турнирида бўлиб ўтган сўнгги жангида австралиялик Жек Делла Маддалена билан тўқнаш келган ва очколар ҳисобига кўра ғалаба қозониб, ўзи учун иккинчи вазнда чемпионлик камарини қўлга киритган эди.