20 июл 15:24
Янгиликлар

Бокс/ММА

Ислам Махачев Порье - Холлоуэй жангига муносабат билдирди

Енгил вазнда собиқ UFC чемпиони Ислам Махачев собиқ рақиби Дастин Порьенинг фаолиятидаги сўнгги жангини беэътибор қолдирмади.

Америкалик аралаш яккакураш устаси BMF камари соҳиби Макс Холлоуэйга қарши тўлиқ беш раундлик жанг ўтказиб, очколар ҳисобига кўра имкониятни бой бериб қўйди.

"Дастин, табриклайман. Сен ҳақиқатан ҳам UFC тарихидаги мен кўрган энг яхши жангчилардан бирисан. Сендек жангчи билан октагонни икки бўлганимдан хурсандман. Бу мен учун катта шараф эди", – дея ўзининг ижтимоий тармоқдаги саҳифасида мурожаат ёзиб қолдирган Махачев.

Дастин туғилиб ўсган Янги Орлеан шаҳрида ташкил этилган UFC 318 турнирининг асосий жангида Макс ҳакамларнинг якдил қарори билан 48-47, 49-46, 49-46 ҳисобида зафар қучди. Жанг якунланганидан кейин 36 ёшли Дастин Порье қўлқопларини октагон марказида қолдирди. Бу унинг фаолияти якунланганига ишора.