Ислом Баҳромовни табриклаймиз!

Ислом Баҳромов 1995 йил 17 июль куни Самарқанд виллоятининг Оқдарё тумани Лойиш шаҳарчаси "Наврўз" маҳалласида дунёга келган. Биринчи мураббийи - Ўрол Зиёев. Аввалига Республика ихтисослаштирилган олимпия захарилари мактаб-интернатида, кейин Ўзбекистон давлат жисмоний тарбия университетида тахсил олган. 

Ака-ука Ислом ҳамда Илҳом Баҳромовлар ўсмирлар, ёшлар ва ҳозир катталар терма жамоаси сафида юртимиз шарафини муносиб ҳимоя қилиб келишмоқда. Ислом катталар ўртасида Осиё чемпиони, Ислом Бирдамлик ўйинлари ва Ёпиқ иншоотлардаги Осиё ўйинлари  совриндори ҳисобланади. Икки бор Осиё чемпионатининг бронза медалини қўлга киритган. Шу йил февраль ойида Ҳиндистоннинг Нью-Дели шаҳрида ўтган қитъа чемпионатида бронза медалига эга чиққанди.

Фурсатдан фойдаланиб, Ислом Баҳромовни бугунги таваллуд айёми билан муборакбод этамиз.