“Ислом бирдамлик ўйинлари”. Шарипова 17 яшар 540-ракеткага ютқазди

Бугун мусобақа дастурида фақат теннисчиларимиз медаллар учун баҳсларга киришиши ҳақида хабар берган эдик. Афсуски, Сабина Шарипова яккалик мусобақасининг ярим финалида мағлубиятга учради.

Мамлакатимизнинг биринчи ракеткаси мезбонлар вакиласи Берфу Ченгизга қарши кортга чиқди ва 6:7(4), 4:6 ҳисобида ютқазиб қўйди. 22 ёшли Шарипова дунё рейтингида 139, 17 ёшли Ченгиз эса 540-ўринни эгаллаб турибди.

Энди Сабина Шарипова иккинчи ярим финалда мағлубиятга учраган уммонлик теннисчи Фатма Ал Набханига қарши бронза медали учун кортга чиқади.