Исраэль Адесанья бугунги мағлубиятига изоҳ берди

UFC 305 турнирининг марказий жангида ўрта вазн тоифасида амалдаги чемпион Дрикус Дю Плесси ушбу камарнинг собиқ соҳиби Исраэль Адесаньяни тўртинчи раундда бўғиш усули билан мағлубиятга учратди. Адесанья фаолиятида илк бор шундай ҳолатдаги мағлубиятни қабул қилиб олди. Бу унинг кетма-кет иккинчи мағлубияти бўлди. 

"Дрикуснинг чақилмас ёнғоқ эканини, мени бу жангда нималар кутаётганини билгандим. Жанг тўхтатилгунига қадар очколар ҳисобида ғалаба қозонаётган эдим. Лекин биргина ёш болаларча йўл қўйган хатоим барчасини барбод қилди. Бу ҳолатимдан ҳайратдаман. Аммо мен бу жангга яхши тайёргарлик кўргандим. Ўзимни жангдан олдин ҳам, жанг пайтида ҳам жуда яхши ҳис қилаётган эдим. Кўпчилик мағлубиятимдан хурсанд бўляпти, мени ёмон кўрадиганлар бисёр. Мен тирикман ва тугалланмай қолган ишни якунлаш учун қайтаман", — деди Адесанья.