07 авг 11:17
Янгиликлар

Бокс/ММА

Исроил Мадримов сабаб Теренс Кроуфорд ва Эдди Хирн "жанг"га киришди

Америкалик боксчи Теренс Кроуфорд "Matchroom Boxing" промоутерлик компанияси раҳбари Эдди Хирн билан Инстаграм саҳифасида тортишиб қолди.

Дастлаб, Кроуфорд Хирннинг жанг якунидаги ҳолати акс этган суратни жойлаб, "нима хато бўлди?" дея савол берди.

Эдди Хирн эса бунга қуйидагича жавоб қайтарди:

"Мадримов сени тун бўйи ўнг қўли билан қанчалик осон урганидан ҳайратда эдим".

Шундан сўнг, Кроуфорд Эдди Хирнни "масхарабоз" дея атаб, унинг бизнесини ушлаб тургани учун Турки Ал Шайҳга миннатдорчилик билдириши керак эканини ёзди.

Маълумот учун, Эдди Хирн раҳбарлик қилувчи "Matchroom Boxing" промоутерлик компанияси Исроил Мадримов, Муроджон Аҳмадалиев ва Шаҳрам Ғиёсов каби ўзбекистонлик боксчилар билан ҳамкорлик қилади.